Chilli Con Carne

A dhóthain do

2 dhuine fhásta agus 4 pháiste nó 4 dhuine fhásta

Am ullmhúcháin

10-15 nóiméad

Am cócarála

50 nóiméad

Leis an Chilli Con Carne gasta seo a dhéanamh, teastóidh an trealamh seo a leanas uait: Clár mionghearrtha, Scian ghéar, Friochtán mór, Spúnóg mhór (spúnóg adhmaid nó eile), Crúiscín tomhais, Spúnóg bhoird agus taespúnóg

Príomh-Chomhábhair

Leathspúnóg bhoird d’ola olóige
450g mairteoil nó uaineoil mhionaithe
1-2 oinniún, scafa agus mionghearrtha
2-3 ionga gairleoige, scafa agus brúite
Anlann:
- ›Leathspúnóg thae de phúdar sillí (roghnach)
- ›Leathspúnóg thae de chuimín mheilte (roghnach)
- ›Taespúnóg siúcra nó cearnóg de sheacláid dhorcha (roghnach)
- ›400g canna trátaí
- ›125ml stoc mairteola nó uisce
Salann agus piobar dubh
400g canna pónairí dearga duánacha
Crème fraiche (roghnach)
Rís bhruite

Method

Téigh an ola i bhfriochtán mór.
Cuir an fheoil isteach agus lig di donnú go maith. Cuir an t-oinniún agus an ghairleog leis agus cócaráil ar feadh 2-3 nóiméad.
Cuir isteach an púdar sillí/cuimín (más maith leat iad a úsáid), trátaí agus stoc. Corraigh go maith iad.
Blaistigh agus cuir ar fiuchadh iad. Cócaráil go réidh ar feadh 35 nóiméad, ag corraí ó am go chéile.
Cuir na pónairí leis agus cócaráil ar feadh 15 nóiméad eile.
Seachas taespúnóg shiúcra a chur leis, is féidir leat píosa beag (cearnóg) seacláide dorcha (faoi mhéid d’ionga ordóige) a chorraí nuair a chuireann tú na pónairí leis. Déanfaidh aon seacláid dhorcha cúis.
Is féidir rís nó tortillas a chur leis. Cuirfidh salsa agus neart barráin blas breise le do bhéile.

Leid Iontach

Fuílleach? Cén fáth nach n-úsáidfeá an chilli con carne seo mar bharr blasta le haghaidh prátaí bácáilte, nó fillte i mburrito chomh maith le sailéad duilleach agus cáis grátáilte le haghaidh lóin an lá dár gcionn. An-deas!