Tá trí chéim sa Chlár Itheacháin Sláintiúil Food Dudes a dearadh chun leanaí a spreagadh le torthaí agus glasraí a ithe.
Tá an clár bunaithe ar thrí ghné ar leith: bianna a bhlaiseadh arís agus arís eile, duaiseanna agus rólmhúnlú.
Gné Scoile - idirghabháil 16 lá
- Torthaí agus glasraí a chur ar fáil go laethúil do dhaltaí Sóisearacha ar feadh 16 lá
- Torthaí agus glasraí a chur ar fáil go laethúil do dhaltaí Rang 2-Rang 6 ar feadh 16 lá
- 4 Dhuais Bheaga Éiceabhách (nach ndéanann dochar don chomhshaol)
- Litreacha ó eiseamláirí Food Dudes
- Eipeasóidí físeáin a léiríonn eiseamláirí Food Dudes
- Bosca Lóin ag deireadh na Céime
Gné Bhaile – I ndiaidh na hIdirghabhála
- Déanann tuismitheoirí na páistí a spreagadh le torthaí agus glasraí a thabhairt ar scoil i mbosca lóin Food Dudes
- Coinníonn múinteoirí taifead ar an dul chun cinn laethúil ar chairteacha balla sa seomra ranga
- Tugtar teastais do na leanaí maidir le garspriocanna/spriocanna céimnithe a bhaint amach/a chur i gcrích.
Céim chothabhála: ar scoil agus sa bhaile
Sna blianta i ndiaidh Chéim 1 agus 2, glacann scoileanna páirt i Seachtainí Food Dudes.
Cad a tharlaíonn le linn Sheachtain Food Dudes?
- Cuirtear torthaí agus glasraí úra ar fáil do gach dalta thar thréimhse 5 lá.
- Tugtar ábhair oideachais agus leabhráin ghníomhaíochta gaolmhara do na leanaí chomh maith, chun tacú le torthaí agus glasraí a ithe mar chuid den lón scoile agus sa bhaile.
- Bíonn físeáin ghearra eolasacha ar fáil ar líne chun nósanna itheacháin sláintiúla a spreagadh agus a chur chun cinn.
Coinníonn an chéim seo rannpháirtíocht fhadtéarmach ar siúl i ndiaidh na hidirghabhála, chomh maith le méadú leanúnach a dhéanamh ar an méid
torthaí agus glasraí atá á n-ithe ar feadh na scoilbhliana ar fad.
Tacaíonn sé seo leis na leanaí nósanna itheacháin sláintiúla a fhorbairt ar feadh a saoil.
Áirítear le clár nuashonraithe Food Dudes gnéithe athbhreithnithe den chlár, amhail:
- Pacáistiú atá inmhúirínithe go hiomlán ar tháirgí úra
- Seachtainí Food Dudes (i mbliain 2-4 den timthriall)
- Ábhar físe nua
- Méadú ar tháirgí Éireannacha séasúracha
- Teachtaireachtaí ó eiseamláirí cáiliúla Éireannacha
- Spraoi & cluichí le himirt sa seomra ranga
- Duaiseanna nua éiceabhách
- Ábhair chlóite agus físeáin dhátheangacha
Is scoileanna speisialta iad beagán níos lú ná 5% de Bhunscoileanna na hÉireann. Déanann na scoileanna seo freastal ar dhaltaí a bhfuil an leibhéal isairde agus is casta de riachtanais speisialta oideachais acu, agus tá dianmhachnamh á dhéanamh anois ar na scoileanna sin.
Bunaithe ar aiseolas ó mhúinteoirí, tá duaiseanna saincheaptha á gcur ar fáil anois do scoileanna speisialta le haghaidh daltaí a bhfuil deacrachtaí
foghlama acu. Moltar anois do mhúinteoirí a gcuid teagaisc a choigeartú mar is cuí, in ionad an chláir foghlama atá leagtha amach a mhúineadh dá ranganna.
Seachas blaiseadh/ithe traidisiúnta, tá níos mó béime á cur anois ar fhoghlaim chéadfach sa seomra ranga agus sa bhaile, agus spreagtar na leanaí chun an bia a bhlaiseadh (a leadhbadh), lámh a leagan air, é a thógáil sa lámh agus é a bholú. Moltar anois gur cuí caoineoga, súnna, anraithí agus purée a dhéanamh as na torthaí agus glasraí chomh maith chun cabhrú lena mblaiseadh, agus ceol, rince agus amhránaíocht a chur mar thionlacan leis na físeáin agus na litreacha.
Trí theicnící nua teagaisc a úsáid, is féidir leis an gclár Food Dudes na torthaí céanna nó torthaí níos fearr a bhaint amach i scoileanna speisialta.
Cuirimid fáilte roimh aiseolas ó mhúinteoirí/tuismitheoirí am ar bith maidir le forbairt bhreise ar an gclár foghlama sainiúil seo.
* Tá na meáin Food Dudes nua maoinithe go hiomlán ag Ollscoil Bangor agus cruthaithe i gcomhpháirtíocht le RJDM, cuideachta meán sa RA arna choimisiúnú ag Príomhthaighdeoirí Ollscoil Bangor, an tOllamh Fergus Lowe agus Pauline Horne. Scríobhadh an script i gcomhar le Sean Carson agus ba iad Pauline agus Steffan Horne a chum liricí an amhráin Food Dudes.
