Suaithfhriochadh Sicín Éasca

A dhóthain do

2 dhuine fhásta agus 4 pháiste nó 4 dhuine fhásta

Am ullmhúcháin

10-15 nóiméad

Am cócarála

15 nóiméad

Don suaithfhriochadh sicín gasta seo, teastóidh an trealamh seo a leanas uait: Clár mionghearrtha, Scian ghéar, Friochtán mór, Pláta, Spúnóg bhoird, Spúnóg mhór (spúnóg adhmaid nó eile)

Príomh-Chomhábhair

4 bhrollach sicín
2 spúnóg bhoird d’ola olóige
Ionga gairleoige, scafa agus brúite
Oinniún dearg, scafa agus mionghearrtha
400g glasraí úra m.sh. cairéid, brocailí, piobair, muisriúin, piseanna milse agus cúirséad
Píosa 4cm sinséir úr, mionghearrtha (roghnach)
2 spúnóg bhoird d’anlann soighe
Cúpla braon d’ola sheasamain (roghnach)
Salann agus piobar dubh
Dornán lus an choire, mionghearrtha (roghnach)

Modh

Téigh an friochtán mór (nó wok) go mbeidh sé an-te, agus ansin cuir isteach spúnóg bhoird ola.
Suaithfhrioch an sicín ar feadh 4-5 nóiméad go dtiocfaidh dath donnórga air. Nuair a bheidh sé cócaráilte, cuir ar phláta é.
Atéigh an friochtán nó wok agus cuir isteach an chuid eile den ola.
Cuir isteach an ghairleog, na glasraí agus an sinséar (más maith leat) agus suaithfhrioch ar feadh cúpla nóiméad iad go n-éireoidh siad ábhairín bog.
Cuir isteach an sicín arís, an t-anlann soighe, steallóg uisce, ola sheasamain (más maith leat) agus píosa piobair dhubh.
Lean ort ag suaithfhriocadh ar feadh cúpla nóiméad eile. Blais é le feiceáil an bhfuil blastán ar bith ag teastáil.
Croith lus an choire air más maith leat, agus is féidir an suaithfhriochadh seo a chur le núdail, rís bhruite nó dingeacha spíosracha.

Leid Iontach

Tá sé tábhachtach go leor dathanna torthaí agus glasraí a ithe gach lá. Is féidir leat an suaithfhriochadh seo a dhéanamh níos dathúla fós trí níos mó de na glasraí is fearr leat a chur isteach, mar shampla piseanna agus grán milis.